þriðjudagur, maí 30, 2006
The bleeding boiler!
Ég var sko almennilegur Breti í morgun, tiplandi framúr í drullukulda til að laga mér tebolla og tók hann svo með mér aftur uppí til að reyna að fá í mig hita. Já, í gærkvöldi var ég að koma úr netbolta (töpuðum, #&$%"%¨!) löðursveitt og hlakkaði til að leggjast í bleyti í baðkarinu. Haldiði að bévítans boilerinn hafi ekki verið dauður og því ekkert heitt vatn að fá. Ég þvoði mér því upp úr köldu vatni-það var hressandi, maður minn-og fór svo beint undir sæng. Það virtist hin mesta hetjudáð að skríða fram úr rúminu í dag, slíkur var fimbulkuldinn. Ekki nóg með það heldur gat ég aldeilis verið erkibresk á rannsóknastofunni og blótað "the bleeding boiler" í sand og ösku og allir virtust skilja mig svo vel!
Ég ætla rétt að vona að viðgerðarmaðurinn komi í dag, ekki að ég hlakki til að sjá verksummerkin-þeir skilja alltaf eftir heilt blómabeð á stofugólfinu! Af hverju eru þeir aldrei á flatbotna skóm (til dæmis svona orgeltátiljum) sem safna ekki undir sig drullu-og af hverju nota þeir allir skó númer 52?
Aftur að netbolta: Ég sem er alltaf að rembast við að fara eftir þessum kellingareglum fékk sko nasty surprise í gær því ólukkans tæfurnar í hinu liðinu voru algjörir svindlarar og voru ofaníkaupið fúllyndar og dónalegar, jahá, þetta fær maður fyrir alla kurteisina!
|
Ég var sko almennilegur Breti í morgun, tiplandi framúr í drullukulda til að laga mér tebolla og tók hann svo með mér aftur uppí til að reyna að fá í mig hita. Já, í gærkvöldi var ég að koma úr netbolta (töpuðum, #&$%"%¨!) löðursveitt og hlakkaði til að leggjast í bleyti í baðkarinu. Haldiði að bévítans boilerinn hafi ekki verið dauður og því ekkert heitt vatn að fá. Ég þvoði mér því upp úr köldu vatni-það var hressandi, maður minn-og fór svo beint undir sæng. Það virtist hin mesta hetjudáð að skríða fram úr rúminu í dag, slíkur var fimbulkuldinn. Ekki nóg með það heldur gat ég aldeilis verið erkibresk á rannsóknastofunni og blótað "the bleeding boiler" í sand og ösku og allir virtust skilja mig svo vel!
Ég ætla rétt að vona að viðgerðarmaðurinn komi í dag, ekki að ég hlakki til að sjá verksummerkin-þeir skilja alltaf eftir heilt blómabeð á stofugólfinu! Af hverju eru þeir aldrei á flatbotna skóm (til dæmis svona orgeltátiljum) sem safna ekki undir sig drullu-og af hverju nota þeir allir skó númer 52?
Aftur að netbolta: Ég sem er alltaf að rembast við að fara eftir þessum kellingareglum fékk sko nasty surprise í gær því ólukkans tæfurnar í hinu liðinu voru algjörir svindlarar og voru ofaníkaupið fúllyndar og dónalegar, jahá, þetta fær maður fyrir alla kurteisina!
|
